वाक नेपाल र सेभ द चिल्ड्रेन द्धारा मंगलसेन नगरपालिका वडा नं. ६ र ७ मा संचालित कार्यक्रमको स्थलगत अनुगमन

सेभ द चिल्ड्रेन र वाक नेपाल तथा मंगलसेन नगरपालिकाकाे साझेदारीमा संचालित पावर परियाेजना र विपद पूर्व तयारी तथा प्रतिकार्य परियोजनाका गतिविधिहरुकाे स्थलगत अनुगमन गरिएको छ । वडानम्वर ६ र ७ का विभिन्न टाेलहरुमासंचालित विभिन्न कार्यक्रमहरुको अनुगमन गरिएको हो ।

मंगलसेन नगरपालिका उपप्रमुख संगिता कुमारी रावल (सोडारी) को नेतृत्वमा रहेको सरोकारवालाको टोलिले जनालिवण्डाली स्वास्थ्य चाैकीमा रहेकाे किशोर किशोरी मैत्री स्वास्थ्य संस्थामा अवस्थित किशोर किशोरी मैत्री स्वास्थ्य कर्नरमा रहेका सामग्रीको अवलोकन र उपयाेगकाे अवस्था बारे जानकारी लिनुका साथै जाल्पा मावि मुंग्राचाैरमा मर्मत भएको विद्यालय भवन, वडा नम्वर ६ मा निर्माण भएका १८ वडा र वडानम्वर ७ मा परियोजनाबाट निर्माण भएका ६ वटा भुकम्प प्रभावितका नवनिर्मित घर संरचना, नगरपालिका र वाक नेपालको पावर परियाेजना द्वारा निर्माण भएका शाैचालयहरुको स्थलगत अवलोकन गरिएको छ ।

अवलोकनका क्रममा टोलिले सेभ द चिल्ड्रेन र वाक नेपाल तथा मंगलसेन नगरपालिकाको साझेदारीमा संचालन भएका सबै कार्यक्रमहरु उपलव्धिमूलक रहेको निष्कर्ष निकालेको छ ।निर्माण सम्पन्न भएका संरचनाको अवस्था सन्तोषजनक रहेको र निर्माणाधिन संरचनालाई तत्काल सम्पनन् गर्न निर्देशन समेत दिईएको छ ।

अनुगमन टोलिमा नगर उपप्रमुख संगिता कुमारी रावल (साेडारी) सहित वडा नम्वर ६ का अध्यक्ष देवेन्द्र प्रसाद भण्डारी, वडा नम्वर ७ का कार्यवाहक अध्यक्ष मन्सरा थ्यायत, नगरपालिका शिक्षा अधिकृत जगत बहादुर रावल, महिला बालबालिका शाखा प्रमुख मञ्जु महत, स्टोर किपर नरेश बहादुर कठायत, गैसस समन्वय शाखा प्रमुख होम साउद, सेभ द चिल्ड्रेनका परियोजना संयोजक प्रेम पुन, फिल्ड अधिकृत रमिता ढुंगानाको सहभागीता रहेको थियो ।

परियोजना मार्फत वडानम्वर ४ र ५ मा संचालित गतिविधिहरुको पनि स्थलगत अनुगमन गरिएको वाक नेपालले जनाएको छ ।

छ ।

Source: https://mangalkhabar.com/archives/8621