चौरपाटी गाउँपालिका जिल्लाकै पहिलो साक्षर पालिका घोषणा

भाद्र २२ अछाम

राष्ट्रिय सभा सदस्य शेर बहादुर कुँवरले चौरपाटी गाउँपालिकाले थालेका अभियानहरु सफल हुन आवश्यक रहेको बताउनु भयो । चौरपाटी गाउँपालिकाको साक्षर घोषणा कार्यक्रममा बोल्दै राष्ट्रिय सभा सदस्य कुँवरले अभियान कार्यक्रमलाई निरन्तरता दिदै कार्यन्वन दिनु पर्नेमा जोड दिनु भयो ।

कार्यक्रमका विशिष्ट अतिथि सुदुरपश्चिम प्रदेश सभा सदस्य मना कुमारी साँउद मीनाले गाउँपालिका साक्षर घोषणा गरेर मात्र नहुने भन्दै अभियानलाई निरन्तरता दिनु पर्ने बताउनु भयो । उहाँले साक्षर घोषणा सँगै रुढिवादि परम्पराको अन्त्य गर्नु पर्ने बताउनु भयो । उहाँले गाउँपालिका रहृको छाउपडि कुप्रर्था, वालविवाह न्यूनिकरण गर्नु पर्नेमा जोड दिनु भयो ।

चौरपाटी गाउँपालिका अध्यक्ष हर्क बहादुर साउँदको अध्यक्षतामा भएको कार्यक्रमका प्रमुख अतिथि राष्ट्रिय सभा सदस्य शेर बहादुर कुँवर रहनु भएको थियो । विशिष्ट अतिथि सुदुरपश्चिम प्रदेश सभा सदस्य मना कुमारी साउद मीना रहनु भएको थियो । कार्यक्रममा जिल्ला समन्वय समिति प्रमुख नर बहादुर कुँवर, मंगलसेन नगर प्रमुख पदम बहादुर बोहरा, प्रमुख जिल्ला अधिकारी भोजराज श्रेष्ठ लगायतले बोल्नु भएको थियो ।

कार्यक्रममा गाउँपालिका स्थित विभिन्न विद्यालयका विद्यार्थीले विभिन्न साँस्कृति झाँकि प्रस्तुत गरिएका थिए । प्रमुख प्रशासकिय अधिकृत गणेश प्रसाद जैशी ढुंगानाले स्वागत मन्तब्य राख्नु भएको कार्यक्रमको सञ्चालन स्वास्थ्य संयोजक धन बहादुर थापाले गर्नु भएको थियो ।

अछामका १० ओटा स्थानिय तह मध्य चौरपाटी गाउँपालिका पहिलो साक्षर पालिका घोषणा गरीएको छ । साक्षर नेपाल, समृद्ध नेपाल र सुखि नेपाली भन्ने नाराका साथ पहिलो साक्षर गाउँपालिका घोषणा गरिएको छ । गाउँपालिकाका १५ बर्ष देखि ६० बर्ष मूनिका ९६ प्रतिशत जनता साक्षर भएसँगै गाउँपालिकालाई साक्षर पालिका घोषणा गरिएको गाउँपालिकाले जनाएको छ ।

गाउँपालिकाको १५ बर्ष देखि ६० बर्ष मूनिका ११ हजार ६ सय ७० निरक्षर रहेको जनसंख्या मध्ये ६ हजार १ सस १६ महिला र ५ हजार ५ सय ५४ पुरुष गरी ११ हजार २ सय २६ साक्षर रहेको गाउँपालिकाले जनाएको छ । गाउँपालिकामा अब बाँकी १५ बर्ष देखि ६० बर्ष मूनिका ४ सय ४४ जना मात्र निरिक्षर रहेको गाउँपालिकाको तथ्याङ्कमा जनाएको छ । वडा नं. १ सिउडीमा १५ बर्ष देखि ६० बर्ष मूनिका १ हजार ७ सय ९२ जनसंख्या मध्ये १ हजार ६ सय ९६ साक्षर र ९६ जना मात्र निरिक्षर रहेको तथा ९५ प्रतिशत साक्षर रहेको तथ्याङ्क उल्लेख गरिएको छ ।

यस्तै वडा नं. २ हजार ५ सय ७० मध्ये २ हजार ४ सय ६६ साक्षर तथा १ यस ४ निरिक्षर गरी ९६ प्रतिशत साक्षर रहेको छ । उता वडा नं. ३ सोकटमा १ हजार २ सय ५० जनसंख्या मध्ये १ हजार १ सय ८२ साक्षर तथा ६८ जनसंख्या निरिक्षर, वडा नं. ४ पायलमा २ हजार ३ सय ९८ मध्ये २ हजार ३ सय ५९ साक्षर तथा २३ जना मात्र निरिक्षर रहेको तथ्याङ्क रहेको छ ।

यस्तै वडा नं. ५ लुंग्रामा १ हजार ४ सय ९६ मध्ये १ हजार ४ सय ३१ साक्षर संख्या तथा ६५ जना मात्र निरिक्षर, वडा नं. ६ दुनीमा १ हजार २ सय ५० मध्ये १ हजार २ सय २२ साक्षर तथा २८ जना मात्र निरिक्षर रहेको तथ्याङ्कमा उल्लेख गरिएको छ । यस्तै वडा नं. ७ मार्कुमा भने ९ सय १४ जनसंख्या मध्ये ८ सय ७० साक्षर तथा ४४ जना निरिक्षर रहेको तथ्याङ्कमा उल्लेख रहेको छ ।

अछाम जिल्लालाई २०७६ भाद्र मसान्त सम्म साक्षर जिल्ला घोषणाको तयारी अन्तरगत आज गाउँपालिकालाई साक्षर पालिका घोषणा गरिएको हो । साक्षरता पालिका घोषणाको लागि मोवाईल तथा घडि हेरी समय बताउन सक्ने, ० देखि ९ सम्मको अंक बताउन सक्ने, बैँक भौचर भर्न सक्ने, ट्राफिक चिन्ह चिन्न सक्ने लगायतका चिन्न वा भन्न सक्ने भए वडा वा पालिका साक्षर घोषणा गर्न सकिने नेपाल सरकारको अवधारणा रहेको छ ।

Leave a Reply

Your email address will not be published. Required fields are marked *