दुई सय परिवारलाई जुठ्यान सुधार निर्माण सामाग्री वितरण

फागुन, २९ अछाम
         वाक नेपाल र वल्डभिजन द्वारा सञ्चालित मातृ तथा वाल स्वास्थ्य र पोषण कार्यक्रमको आयोजनामा मेल्लेख गाउँपालिका वडा नं ४ कुस्कोटका दुई सय परिवारलाई जुठ्यान सुधारका लागि आवश्यक सामाग्री वितरण गरिएको छ । वडाका दुई सय परिवारलाई प्रति परिवार आधा कट्टा सिमेन्ट, दूई पिस सावुन, एक पिस सावुन राख्ने डिब्बा र वाल्टिन वितरण गरिएको छ ।


            मेल्लेख गाँउपालिका वडा नं. ४ कुस्कोटका कार्यवाहक वडा अध्यक्ष चन्द्र बहादुर साउदको अध्यक्षतामा कार्यक्रम गरिएको थियो । सामाग्री वितरण कार्यक्रममा वोल्दै वाक नेपालका उपाध्यक्ष वल बहादुर केसीले समुदायमा सुनौला हजार दिनका आमा र शिशुको स्वास्थ्यमा सुधार ल्याउने उद्वेश्यले सामाग्री वितरण गरिएको बताउनु भयो । उहाँले  वितरण गरेका सामाग्रीको समुदायले सहि सदुपयोग गर्नु पर्नेमा जोड दिनु भयो ।
             कार्यक्रममा  मातृ तथा वाल स्वास्थ्य र पोषण कार्यक्रमका अनुगमन मूल्यांकन जवाफदेहिता र सिकाई अधिकृत  जगत रावल, हिमाल बुढा लगायतले सामाग्री  वितरण गर्नु भएको थियो । सामाग्री सोहि वडाका थप चार सय परिवारलाई तत्काल वितरण गरिने संस्थाले जनाएको छ ।

Leave a Reply

Your email address will not be published. Required fields are marked *