वर्ल्डभिजन इन्टरनेसनल नेपालद्धारा सञ्चालित परियोजनाहरुको समिक्षा सम्पन्न
superwac
अछाम । वल्र्डभिजन ईन्टरनेश्नल नेपालद्धारा अछाममा सञ्चालित विभिन्न परियोजनाहरुको जिल्ला स्तरिय समिक्षा सदरमुकाम मंगलसैनमा सम्पन्न भएको छ । वल्र्डभिजन ईन्टरनेश्नल नेपालका साझेदार संस्था वाक नेपाल अछाम र आस्था नेपालको साझेदारीमा सञ्चालित ४ वटा परियोेजनाको समिक्षा भएको हो ।
वाक नेपाल अछामद्धारा सञ्चालित एकिकृत उत्थानशिल जिविकोपार्जन तथा पोषण परियोजना, समुदायमा आधारित विपद जोखिम न्यूनिकरण परियोजना,सेवा परियोजना र आस्था नेपालद्धारा सञ्चालित वाल संरक्षण तथा बाल स्पोन्सरसिप परियोजनाको समिक्षा गरिएको वाक नेपालका परियोजना संयोजक अनु बस्नेतले बताईन् ।
जिल्लाको पञ्चदेवल विनायक नगरपालिका, कमलबजार नगरपालिका, साफेवगर नगरपालिका र मेल्लेख गाँउपालिकामा सञ्चालित कार्यक्रमहरुको सन २०२३ मा गरेका क्रियाकलापहरुको अनुगमन गर्दै समिक्षा गरिएको हो ।
जिल्ला समन्वय समिति अछामका प्रमुख ललित बहादुर कुँवरको अध्यक्षतामा भएको समिक्षा कार्यक्रममा साँफेवगर नगरपालिकाका नगरप्रमुख राजेन्द्र कुँवर प्रमुख अतिथि रहनु भएको थियो । समिक्षा कार्यक्रममा बोल्दै अतिथिहरुले वल्डभिजन ईन्टरनेश्नल नेपालद्धारा सञ्चालित कार्यक्रहरुले समुदायमा पोषण र जिविकोपार्जनका क्षेत्रमा उल्लेख्य प्रगति भएको बताएका छन ।
